ჰომო ჰაბილისიმეცნიერებმა აფრიკაში უძველესი წინაპრების კიდევ არაერთი ნარჩენები იპოვეს. ჰომო ჰაბილისი(ხელმარჯვე ადამიანი) აღმოსავლეთ აფრიკაში ცხოვრობდა, ლუსის ცხოვრებიდან მილიონი წლის შემდეგ. ჰომო საბილისი წელში გამართული დადიოდა, დღევანდელი 12 წლის ბიჭის სიმაღლე იყო, ტვინი კი ლუსიზე უფრო პატარა ჰქონდა. სავარაუდოდ, ჰომო საბილისი პირველი არსება იყო, რომელმაც შრომის იარაღების დანზადება ისწავლა. ამიტომაც შეარქვეს ხელმარჯვე.

ჰომო ერექტუსი – „წელში გამართული ადამიანი“. პრეისტორიული პერიოდის ადამიანის სახეობა, რომელიც ცხოვრობდა დაახლოებით 1 მლნ. წლის წინ. მათი ნარჩენები აღმოჩენილია ჩინეთის დედაქალაქ პეკინის მახლობლად. ჰომო ერექტუსები წელში გამართულები დადიოდნენ და შრომის იარაღებსაც იყენებდნენ. გარდა ამისა, ისინი გასათბობად ცეცხლს იყენებდნენ, რაც მათ შედარებით ცივ კლიმატში ცხოვრების საშუალებას აძლევდა. ჰომო ერექტუსების სახეობას მიაკუთვნებენ პრეისტორიული ხანის ადამიანებს – მზიასა და ზეზვას, რომელთა ნაშთები 16- კბილიანი ქვედა ყბის და 2 თავის ქალას (ქალისა და მამაკაცის) სახით 1999 წლის 24 ივლისს აღმოაჩინეს ქართველმა და გერმანელმა არქეოლოგებმადმანისის ნაქალაქარში.

ჰომო საპიენსი ითვლება პრიმატების სახეობად, ჰომინიდების ჯგუფის, ადამიანთა მოდგმის წარმომადგენელად. მან დიდი ზეგავლენა მოახდინა დედამიწის ბიოსფეროს შექმნაში, შექმნა დედამიწის საკუთარი გარსი — ანთროპოსფერო. ადამიანების ერთობლიობას ეწოდება პოპულაცია ან კაცობრიობა. ინდივიდების ურთიერთობა ქმნის საზოგადოებას ან სოციუმს. ინფორმაცია, რომელიც ადამიანს მემკვიდრეობოთი ნიშანთვისების გზით გადაეცემა, ცირკულირებს საზოგადოებაში და წარმოქმნის ნოოსფეროს. საზოგადოების ყველა მატერიალური და ინფორმაციული საქმიანობა წარმოქმნის კულტურას. ადამიანი, როგორც ცოცხალ ორგანიზმთა 90%, იყოფა ორ სქესად:მამრი და მდედრი.